latest

ക്‌നാനായ മലബാര്‍ കുടിയേറ്റ പ്ലാറ്റിനം ജൂബിലി സമാപന ആഘോഷത്തിന്റെ ആവേശത്തില്‍ മലബാറിലെ ക്‌നാനായ മക്കള്‍.

Tiju Kannampally  ,  2018-03-13 01:50:26amm

 

കണ്ണൂര്‍

 ശ്രീപുരം;75 വര്‍ഷം ദൈവം കനിഞ്ഞ്‌ നല്‍കിയ എല്ലാ ദൈവാനുഗ്രഹത്തിനും നന്ദിയര്‍പ്പിച്ച്‌ കൊണ്ട്‌ ഏപ്രില്‍ 8ാം തിയതി ഞായറാഴ്‌ച്ച ആരാധനയും കൃതജ്ഞതാ ബലിയും മലബാറിലെ എല്ലാ ഇടവകയിലും നടത്തപ്പെടും. ഏപ്രില്‍ 13ാം തിയതി വെളളിയാഴ്‌ച്ച കോട്ടയം അതിരൂപത സന്ന്യസ്‌ത സംഗമം ശ്രീപുരം ബറുമറിയം പാസ്റ്ററല്‍ സെന്റര്‍ വെച്ച്‌ നടത്തപ്പെടും.ഏപ്രില്‍ 14 ന്‌ ഇരുപത്തായ്യിരത്തോളം ക്‌നാനായ മക്കളെ പങ്കെടുപ്പിച്ച്‌ കൊണ്ടുളള ക്‌നാനായ ക്‌നാനായ മലബാര്‍ കുടിയേറ്റ പ്ലാറ്റിനം ജൂബിലി സമാപന ആഘോഷങ്ങള്‍ ശീപുരം ബറുമറിയം പാസ്റ്ററല്‍ സെന്ററില്‍ വെച്ച്‌ നടത്തപ്പെടും. ജവഹര്‍ സ്റ്റേഡിയത്തില്‍ നിന്നും ശ്രീപുരത്തേക്ക്‌ നടത്തപ്പെടുന്ന കുടിയേറ്റ പ്രേഷിത റാലിയും കോട്ടയം അതിരൂപതയിലെ എല്ലാ പളളികളെയും പ്രത്യേകമായി മലബാറിലെ മുഴുവന്‍ ഇടവകകളെയും അണിനിരത്തികൊണ്ട്‌ സമാപനറാലി നടത്തപ്പെടുന്നത്‌. ഇടവകകളെ 3 ഗ്രയിഡുകളാക്കി തിരിച്ച്‌ മത്സരത്തില്‍ഒന്നും രണ്ടും മൂന്നും സ്ഥാനം ലഭിക്കുന്നവര്‍ക്ക്‌ 10001,7001,5001 കൃമത്തില്‍ സമ്മാനം നല്‍കുന്നതാണ്‌. തുടര്‍ന്ന്‌ 4 മണിക്ക്‌ ശ്രീപുരം സ്‌ക്കൂള്‍ഓഡിറ്റോറിയത്തില്‍ സമാപന സമ്മേളനവും നടത്തപ്പെടും. ലോകത്തിന്റെ വിവിധ ഭാഗങ്ങളില്‍ നിന്നുളള ക്‌നാനായ പ്രതിനിധികളും പങ്കെടുക്കും.മലബാറിലെ മക്കള്‍ ഈ ദിവസത്തിനായി പ്രാര്‍ത്ഥിച്ച്‌ ഒരുങ്ങുന്നു.

 



Latest

Copyrights@2016.