pravasi live Broadcasting
പെട്രോള്‍ വില വര്‍ദ്ധനവിനെതിരെ ഉഴവൂര്‍ കെ.സി.വൈ.എല്‍ യൂണിറ്റ് വ്യത്യസ്തമായി പ്രതിഷേധിച്ചു.
ഉഴവൂർ KCYL യൂണിറ്റിന്റെ നേതൃത്വത്തിൽ ഡീസലിനും പെട്രോളിനും ദിവസവും വിലകൂട്ടി കൊണ്ട് ജനത്തിനെ കൊള്ളയടിച്ചു കൊണ്ടിരിക്കുന്ന സർക്കാർ നയത്തിന് എതിരെ പ്രതിഷേധിച്ചു. 78 രൂപയ്ക്കു പെട്രോളും 71രൂപയ്ക്കു ഡീസലും മേടിക്കേണ്ട ഗതികേടിലാണ് ഇന്ത്യയിലെ ജനം. പെട്രോളിയം ഉൽപ്പന്നങ്ങളുടെ വില വർധന നാട്ടിൽ എല്ലാ സാധന-സമാനഗ്രഹികളുടെയും വില വർധിപ്പിച്ചു. ഉപ്പ് തൊട്ടു കർപ്പൂരം വരെയുള്ള സാധനങ്ങൾക്ക് വില കൂടി. സാധാരണ ക്കാരെ കൊള്ളയടിക്കുന്നതിൽ പ്രേതിഷേധിച്ചു കൊണ്ട്, ഫുട്ബോൾ മത്സരത്തിൽ വിലയേറിയ ഉൽപ്പന്നമായ പെട്രോൾ സമ്മാനം ആയി കൊടുത്തുകൊണ്ട് kcyl ഉഴവൂർ വ്യത്യസ്തമായി തങ്ങളുടെ പ്രതിഷേധം രേഖപ്പെടുത്തുന്നു. ധാർമികത തൊട്ടു തീണ്ടാത്ത സർക്കാർ കണ്ണ് തുറക്കണം എന്ന് അഭ്യർത്ഥിക്കുന്നു.ഇടവക വികാരി ഫാ.തോമസ് പ്രാലേൽ, ഉഴവൂർ KCYL പ്രസിഡന്റ് ജോമി കൈപ്പാറേട്ട് എന്നിവരോടൊപ്പം യൂണിറ്റ് ഭാരവാഹികൾ ആയ ആൽബിൻ നടുവീട്ടിൽ സ്റ്റീഫൻ ജോയി വടയാർ , സീന സാബു,ആഷ്‌ലി സിറിയക്, ഫാ.സിബിൻ കൂട്ടുകല്ലുങ്കൽ, ഫാ.സൈജു മേക്കര തുടങ്ങിയവർ പ്രതിഷേധത്തിന് നേതൃത്വം നൽകി.
ഫാദർ. ടോം ഉഴുന്നാലിൽ മോർട്ടൺഗ്രോവ് സെ.മേരിസ് ക്നാനായ ദൈവാലയത്തിൽ വിശുദ്ധ ബലിയർപ്പിച്ചു.
ചിക്കാഗോ:ദീർഘനാൾ യെമനിൽ തീവ്രവാദികളുടെ തടങ്കലിൽ കഴിയേണ്ടി വന്ന സലേഷ്യൻ സഭാംഗമായ (ഡോൺ ബോസ്കോ) ബഹുമാനപ്പെട്ട ഫാദർ ടോം ഉഴുന്നാലിൽ ആദ്യമായി മോർട്ടൺഗ്രോവ് സെ.മേരിസ് ക്നാനായ ദൈവാലയത്തിൽ എത്തി വി.ബലിയർപ്പിച്ചു. സെപ്റ്റംബർ 9 ഞായറാഴ്ച രാവിലെ 10 മണിക്ക് ബഹു. ടോം അച്ഛനോടൊപ്പം നിരവധി വൈദികരുടെ സാന്നിധ്യത്തിൽ നടത്തിയ സമൂഹബലിയിൽ റവ.ഫാ.ലല്ലു കൈതാരം മുഖ്യകാർമികനായിരുന്നു .ഇടവക വികാരി മോൺസിഞ്ഞോർ തോമസ് മുളവനാൽ, അസി.വികാരി ഫാ. ബിൻസ് ചേത്തലിൽ, ഫാ. ബോബൻ വട്ടം പുറത്ത്, ഫാ. തോമസ് താഴപ്പള്ളി, ഫാ. സാൽബിൻ പോൾ. ഫാ. ജോസ്കോയിക്കൽ. ഫാ. ഡൊമിനിക് കോട്ടിയാനി., എന്നിവർ സഹകാർമികരായിരുന്നു.ടോം അച്ചന്റെ അനുഭവസാക്ഷ്യത്തിനായി കാതോർത്തു കടന്നുവന്ന ആയിരങ്ങൾ അന്ന് നടന്ന തിരുകർമ്മങ്ങളിൽ സജീവമായി പങ്കെടുത്തു .
ക്നാനായ റീജിയൻ എസ്രമീറ്റ് ചിക്കാഗോ മോർട്ടൺഗ്രോവ് സെ.മേരിസിൽ.
ചിക്കാഗോ;അമേരിക്കയിലെ ക്നാനായ റീജിയന്റെ നേതൃത്വത്തിൽ നടക്കുന്ന പ്രാർത്ഥന പഠന പരിശീലന ധ്യാനം സെപ്തംബർ 21 മുതൽ 23 വരെ ചിക്കാഗോ മോർട്ടൺഗ്രോവ് സെ. മേരീസ് ക്നാനായ ദേവാലയത്തിൽ വെച്ച്നടത്തപ്പെടുന്നു. ക്നാനായ റീജിയണിലെ 14 ഇടവകയുടെ ആഭിമുഖ്യത്തിൽ സംയുക്തമായി നടത്തപ്പെടുന്ന ഈ എസ്രമീറ്റിൽ റീജിയണിലെ ഇതര ആത്മീയ കൂട്ടായ്മകൾക്ക് നേതൃത്വം കൊടുക്കുന്നവർ പങ്കെടുക്കുന്നു. ഭാവിയിൽ ഇത്തരം കൂട്ടായ്മകളിൽ പ്രവർത്തിക്കുവാൻ ആഗ്രഹിക്കുന്നവർക്കും ഇതിൽ പങ്കെടുക്കുവാൻ അവസരം ഒരുക്കുന്നുണ്ട്. വിവിധ പ്രായപരിധിയിലുള്ളവരുടെ ആത്മീയ ഉന്നമനത്തിനുവേണ്ടി പ്രവർത്തിക്കുവാൻ താൽപര്യമുള്ളവരെ കണ്ടെത്തി ഇത്തരം പ്രവർത്തനങ്ങളുമായി മുന്നോട്ട് നയിക്കുവാൻ വേണ്ട പ്രോത്സാഹനം നൽകുകയും ചെയ്യുമെന്ന് ക്നാനായ റീജിയൻ ഡയറക്ടറും സെ.മേരീസ് ഇടവക വികാരിയുമായ മോൺസിഞ്ഞോർ തോമസ് മുളവനാൽ അറിയിച്ചു.
കെ.സി.വൈ.എല്‍. സുവര്‍ണ ജൂബിലി ആലോചനായോഗം സെപ്‌റ്റംബര്‍ 23-ന് ചൈതന്യയില്‍.
കോട്ടയം: കെ.സി.വൈ.എല്‍. സുവര്‍ണ ജൂബിലി കര്‍മപരിപാടികളെക്കുറിച്ച്‌ ആലോചിക്കുന്നതിനായി സെപ്‌റ്റംബര്‍ 23-ന് ഉച്ചകഴിഞ്ഞ്‌ 3-ന് ചൈതന്യ പാസ്റ്ററല്‍ സെന്ററില്‍ വച്ച് യോഗം ചേരുന്നു . മാര്‍ ജോസഫ്‌ പണ്ടാരശ്ശേരില്‍ സംബന്ധിക്കും. യോഗത്തില്‍ കെ.സി.വൈ.എല്‍. മുന്‍ അതിരൂപതാ ചാപ്ലിയന്‍മാരും സിസ്റ്റര്‍ അഡൈ്വസര്‍മാരും ഡയറക്‌ടര്‍മാരും മുന്‍ അതിരൂപത ഭാരവാഹികളും സംബന്ധിക്കണമെന്ന്‌ അതിരൂപതാ പ്രസിഡന്റ് ബിബിഷ്‌ ഓലിക്കാമുറി അറിയിച്ചു.
കടുത്തുരുത്തി മേരിമാതാ ഐ.ടി.ഐ യില്‍ ഓട്ടോ മൊബൈല്‍ കോഴ്‌സിനും ഡ്രൈവിംഗ്‌ പരിശീലനത്തിനും തുടക്കമായി.
കടുത്തുരുത്തി: മേരിമാതാ പ്രൈവറ്റ്‌ ഐ.ടി.ഐ. റ്റാറ്റാ മോട്ടോഴ്‌സും, സ്‌കിപ്പുമായി ചേര്ന്ന് തൊഴില്‍ സാധ്യതയുള്ള ഒരു വര്‍ഷത്തെ "On The Job" ട്രെയിനിംഗിനോട്‌ കൂടിയ ഓട്ടോ മൊബൈല്‍ കോഴ്‌സിനും ഡ്രൈവിംഗ്‌ പരിശീലനത്തിനും തുടക്കമായി. കോട്ടയം അതിരൂപതാദ്ധ്യക്ഷന്‍ മാര്‍ മാത്യു മൂലക്കാട്ടിന്റെ അധ്യക്ഷതയില്‍ കൂടിയ സമ്മേളനത്തില്‍ റ്റാറ്റാ മോട്ടോഴ്‌സ്‌ സി.എസ്.ആര്‍. തലവന്‍ വിനോദ്‌ കുല്‍ക്കര്‍ണിയും പ്രിന്‍സിപ്പല്‍ സി. ജൂഡിയും ചേര്ന്ന് ധാരണാപത്രം ഒപ്പ്‌ വയ്ക്കുകയും ലീപ്‌ കോഴ്‌സ്‌ ഉദ്ഘാടനം ചെയ്യുകയും ചെയ്തു. പുതിയ വെബ്‌സൈറ്റിന്റെ ഉദ്ഘാടനം സ്‌കിപ്പ്‌ ചെയര്‍പേഴ്‌സണ്‍ ബ്ര. സി.എ. തോമസും സ്‌മാര്‍ട്ട്‌ ക്ലാസ്‌റൂമിന്റെ ഉദ്ഘാടനം മാര്‍ മാത്യു മൂലകാട്ടും സ്‌കിപ്പ്‌ മുന്‍ ചെയര്‍പേഴ്‌സണ്‍ ഫാ. ജോസഫ്‌ പൊടിമറ്റവും നിര്‍വഹിച്ചു. സ്‌കോളര്‍ഷിപ്പും സര്‍ട്ടിഫിക്കറ്റും മോന്‍സ്‌ ജോസഫ്‌ എം.എല്‍.എ.വിതരണം ചെയ്തു
KSSS ഒൗഷധ ഉദ്യാനം പദ്ധതിയ്ക്ക് എസ്.എച്ച് മൗണ്ട് സേക്രഡ് ഹാര്‍ട്ട് ഹൈസ്കൂളില്‍ തുടക്കമായി.
കോട്ടയം: കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ വിഭാവനം ചെയ്തിരിക്കുന്ന വിവിധ പരിസ്ഥിതി ആരോഗ്യ സംരക്ഷണ പ്രവര്‍ത്തനങ്ങളുടെ ഭാഗമായി സംസ്ഥാന ഒൗഷധ സസ്യ ബോര്‍ഡുമായി സഹകരിച്ച് നടപ്പിലാക്കുന്ന സ്കൂള്‍ ഒൗഷധ ഉദ്യാനം പദ്ധതിയ്ക്ക് എസ്.എച്ച് മൗണ്ട് സേക്രഡ് ഹാര്‍ട്ട് ഹൈസ്കൂളില്‍ തുടക്കമായി. പദ്ധതിയുടെ ഭാഗമായി കരിനെച്ചി, മുറികൂട്ടി, രാമച്ചം, വിഷപ്പച്ച. ഇന്‍സുലിന്‍ ചെടി, ഉമ്മം, ആര്യവേപ്പ്, രക്തചന്ദനം, നെല്ലി, നീര്‍മരുത്, ആരോഗ്യ പച്ച, കര്‍പ്പൂര തുളസി, കറ്റാര്‍ വാഴ, ചിറ്റാടലോടകം, ബ്രഹ്മി, വാതം കൊല്ലി, കുടങ്ങല്‍, ആനച്ചുവടി, താന്നി, കൂവളം, ഇലഞ്ഞി, പലകപയ്യാനി, സര്‍വ്വ സുഗന്തി, ലക്ഷ്മിത്തരു, മുള്ളാത്ത, കണിക്കൊന്ന, തിപ്പലി, ഗ്രാമ്പു, അകില്‍, കറുവ, ഏനായകം, ഉങ്ങ്, കരിംങ്കോത, ബുഷ്പെപ്പര്‍ തുടങ്ങിയ എണ്‍പതില്‍പ്പരം ഒൗഷധ സസ്യങ്ങള്‍ ഉള്‍പ്പെടുത്തിയാണ് ഒൗഷധ ഉദ്യാനം ക്രമീകരിച്ചിരിക്കുന്നത്. എസ്.എച്ച് മൗണ്ട് സെക്രട്ട് ഹാര്‍ട്ട് ഹൈസ്കൂളില്‍ ഹയര്‍ സെക്കന്‍്ററി സ്കൂള്‍ പ്രിന്‍സിപ്പള്‍ ജെസ്സി മൈക്കിള്‍, ഹെഡ്മാസ്റ്റര്‍ മാത്യുസ് ജെറി എന്നിവര്‍ ചേര്ന്ന് ചെടികള്‍ നട്ടു.
ചിക്കാഗോ സോഷ്യല്‍ ക്ലബ്ബ് അന്താരാഷ്ട്ര വടംവലി മത്സരം താമ്പാ ടസ്‌കേഴ്‌സിന് ഉജ്ജ്വലവിജയം
ചിക്കാഗോ; നോര്‍ത്ത് അമേരിക്കന്‍ മലയാളി കായിക ചരിത്രത്തില്‍ പുതിയൊരി അദ്ധ്യായം എഴുതിച്ചേര്‍ത്തുകൊണ്ട് ചിക്കാഗോ സോഷ്യല്‍ ക്ലബ്ബിന്റെ 6-ാമത് അന്തര്‍ദേശീയ വടംവലി മത്സരത്തിന് തിരശ്ശീല വീഴുമ്പോള്‍ 2016, 2017 ലെ ചാമ്പ്യന്മാരായ കുവൈറ്റ് കെ.കെ.ബി. ടീമിനെ ഒന്നിനെതിരെ രണ്ടു സെറ്റുകള്‍ക്ക് തറപറ്റിച്ചുകൊണ്ട് താമ്പാ ടസ്‌ക്കേഴ്‌സ് നെടിയകാലായില്‍ മാണി മെമ്മോറിയല്‍ എവര്‍റോളിംഗ് ട്രോഫിയും ജോയി നെടിയകാല സ്‌പോണ്‍സര്‍ ചെയ്ത 5001 ഡോളറും കരസ്ഥമാക്കിയ അവിസ്മരണീയ നിമിഷങ്ങള്‍ക്കാണ് ചിക്കാഗോ സെന്റ് മേരീസ് മൈതാനം സാക്ഷ്യം വഹിച്ചത്.
രണ്ടാം സ്ഥാനം ഫിലിപ്പ് മുണ്ടപ്ലാക്കല്‍ സ്‌പോണ്‍സര്‍ ചെയ്ത 3001 ഡോളറും ജോയി മുണ്ടപ്ലാക്കല്‍ മെമ്മോറിയല്‍ എവര്‍റോളിംഗ് ട്രോഫിയും കുവൈറ്റ് കെ.കെ.ബി. ടീം കരസ്ഥമാക്കിയപ്പോള്‍ മൂന്നാം സ്ഥാനം സാബു പടിഞ്ഞാറേല്‍ സ്‌പോണ്‍സര്‍ ചെയ്ത 2001 ഡോളറും ജോര്‍ജ്ജ് പടിഞ്ഞാറേല്‍ മെമ്മോറിയല്‍ എവര്‍റോളിംഗ് ട്രോഫിയും കാനഡ ഗ്ലാഡിയേറ്റേഴ്‌സ് കരസ്ഥമാക്കി. നാലാം സ്ഥാനം ചിക്കാഗോ മംഗല്യ ജൂവല്ലേഴ്‌സ് സ്‌പോണ്‍സര്‍ ചെയ്ത 1001 ഡോളറും എവര്‍റോളിംഗ് ട്രോഫിയും ന്യൂയോര്‍ക്ക് കിംഗ് കോബ്‌സ് കരസ്ഥമാക്കി. ടൂര്‍ണമെന്റ് എം.വി.പി. യായി താമ്പാ ടസ്‌കേഴ്‌സിന്റെ ജയിന്‍ മൂലക്കാട്ട്, ബെസ്റ്റ് ഫ്രണ്ട് ആയി കുവൈറ്റ് കെ.കെ.ബി. യുടെ സമദ്, ബെസ്റ്റ് ബാക്കായി കാനഡ ഗ്ലാഡിയേറ്റേഴ്‌സിന്റെ ശരത്ത്, ബെസ്റ്റ് ടീം ആയി കാനഡ ഗ്ലാഡിയേറ്റേഴ്‌സിനെയും തെരഞ്ഞെടുത്തു.
ടൂര്‍ണമെന്റ് ഉദ്ഘാടനം ചെയ്തത് മോര്‍ട്ടന്‍ഗ്രോവ് മേയര്‍ ങൃ. ഉമി ഉശാമൃശമ ആണ്. തുടര്‍ന്നു നടന്ന ഓണാഘോഷവും പൊതുയോഗവും സെന്റ് മേരീസ് പള്ളി അസി. വികാരി ഫാ. ബിന്‍സ് ചേത്തല ഉദ്ഘാടനം ചെയ്തു. നാട്ടില്‍ പോലും കാണാന്‍ കഴിയാത്ത വമ്പിച്ച ജനാവലി പങ്കെടുത്ത വടംവലി മത്സരവും ഓണാഘോഷവും ചെണ്ടമേളങ്ങളും ഒക്കെ മലയാളികളുടെ ഗൃഹാതുര സ്മരണകളെ ഉണര്‍ത്തുവാന്‍ പര്യാപ്തമാണെന്ന് ബിന്‍സച്ചന്‍ പറഞ്ഞു.
തുടര്‍ന്ന് പ്രസിഡന്റ് അലക്സ് പടിഞ്ഞാറേലിന്റെ അദ്ധ്യക്ഷതയില്‍ ചേര്‍ന്ന പൊതുയോഗത്തില്‍ വൈസ് പ്രസിഡന്റ് സജി മുല്ലപ്പള്ളി സ്വാഗതവും, സെക്രട്ടറി ജോസ് മണക്കാട്ട് ആശംസയും, ട്രഷറര്‍ മാനി കരികുളം കൃതജ്ഞതയും പറഞ്ഞു. വടംവലി കമ്മിറ്റി ചെയര്‍മാന്‍ സിറിയക്ക് കൂവക്കാട്ടില്‍ വടംവലി വിജയികളെ പ്രഖ്യാപിച്ചു. വളരെ ചിട്ടയോടും കൃത്യനിഷ്ഠയോടെയും നടത്തിയ ഈ പരിപാടിക്ക് സോഷ്യല്‍ ക്ലബ്ബ് ഒറ്റക്കെട്ടായി പ്രവര്‍ത്തിച്ചതാണ് ഇതിന്റെ വിജയം എന്ന് പ്രസിഡന്റ് അലക്സ് പടിഞ്ഞാറേല്‍ പറഞ്ഞു.
ഈ പരിപാടി വിജയിപ്പിക്കാന്‍ സഹായിച്ച കെ.വി. ടി.വി., ഏഷ്യാനെറ്റ്, ഫ്‌ളവേഴ്‌സ് ടി.വി., ഫാന്‍സി വീഡിയോ, സംഗമം പത്രം, കേരള എക്‌സ്പ്രസ്സ്, ജോയിച്ചന്‍ പുതുകുളം, ക്നാനായ വോയ്‌സ്, ഫോട്ടോഗ്രാഫര്‍ മോനു വര്‍ഗ്ഗീസ്, റഫറിമാരായ ജോസ് ഇടിയാലി, നിണല്‍ മുണ്ടപ്ലാക്കല്‍, കമന്റേറ്റേഴ്‌സ് ആയ സജി പൂതൃക്കയില്‍, റൊണാള്‍ഡ് പൂക്കുമ്പേല്‍, സ്വാദിഷ്ടമായ ഓണസദ്യയൊരക്കിയ മലബാര്‍ കാറ്ററിംഗ് തുടങ്ങി എല്ലാവരോടും നന്ദി സംഘാടകസമിതി അറിയിച്ചു.
കൂടാതെ പങ്കെടുത്ത എല്ലാ ടീമുകള്‍ക്കും, ചിക്കാഗോയിലെയും നോര്‍ത്ത് അമേരിക്കയിലെയും എല്ലാ വടംവലി ആരാധകര്‍ക്കും, ലോകമെമ്പാടും തത്സമയം കെ.വി. ടി.വി. യിലൂടെ കണ്ട എല്ലാ പ്രേക്ഷകര്‍ക്കും, മത്സരം നടത്തുന്നതിനായി ഈ മൈതാനം തന്ന സെന്റ് മേരീസ് ചര്‍ച്ചിനും, ഈ ടൂര്‍ണമെന്റിന്റെ മെഗാ സ്‌പോണ്‍സറായ പേരന്റ് പെട്രോളിയത്തിനും, ഞങ്ങളെ സാമ്പത്തികമായി സഹായിച്ച എല്ലാ സ്‌പോണ്‍സര്‍മാര്‍ക്കും, ചിക്കാഗോയിലെ മറ്റ് മലയാളി ക്ലബ്ബുകള്‍ക്കും, മേയര്‍ ഡാന്‍ ഡിമരിയയ്ക്കും, ഔട്ട് സ്റ്റാന്റിംഗ് പെര്‍ഫോമന്‍സ് കാഴ്ചവച്ച ഫസ്റ്റ് എയ്ഡ് കമ്മിറ്റി, മറ്റ് വിശിഷ്ടാതിഥികള്‍ എന്നിവരോടും അതിനുമപ്പുറം ഇത് വന്‍ വിജയമാക്കിത്തീര്‍ത്ത സോഷ്യല്‍ ക്ലബ്ബിലെ എല്ലാ മെമ്പര്‍മാരോടും നന്ദിയും കടപ്പാടും അറിയിക്കുന്നു.
ഷിക്കാഗോ ക്നാനായ കത്തോലിക്കാ ഫൊറോനായിൽ പുതിയ മതബോധന അധ്യയനവർഷം ആരംഭിച്ചു
ഷിക്കാഗോ: സെപ്റ്റെംബെർ 17 ഞായറാഴ്ച, പ്രവാസി ക്നാനായക്കാരുടെ പ്രഥമ ദൈവാലയമായ ഷിക്കാഗോ തിരുഹൃദയ ഫൊറോനായിൽ 2017 - 2018 വർഷത്തേക്കുള്ള മതബോധന വിദ്യാർത്ഥികൾക്കായുള്ള അധ്യയന വർഷം ആരംഭിച്ചു. 9:45 ന് ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത് കാർമികനായുള്ള വിശുദ്ധ ബലിക്കുശേഷം, ഡി. ർ. ഇ. റ്റീനാ നെടുവാമ്പുഴ, അസി. ഡി. ർ. ഇ. മാരായ മെർളിൻ പുള്ളോർകുന്നേൽ, നബീസ ചെമ്മാച്ചേൽ, സ്കൂൾ സെക്രട്ടറി ഷോൺ പണയപറമ്പിൽ എന്നിവരുടെ നേത്യുത്വത്തിലുള്ള എല്ലാ അധ്യാപകരേയും ആദരിക്കുകയും, അവരെ പ്രാർത്ഥനകൾ ചൊല്ലി ആശീർവദിക്കുകയും ചെയ്തു. തുടർന്ന് ഈ വർഷം മതബോധനത്തിനു ചേർന്ന എല്ലാ കുട്ടികളേയും അനുമോദിക്കുകയും, അവർക്കുവേണ്ടി പ്രത്യേകം പ്രാർത്ഥിക്കുകയും ചെയ്തു.
ഷിക്കാഗോ തിരുഹ്യദയ ക്നാനായ കത്തോലിക്കാ ഫൊറോനായിൽ പന്ത്രണ്ടാം വാർഷികം ആഘോഷിച്ചു
ഷിക്കാഗൊ: സെപ്റ്റംബർ 2 ഞായറാഴ്ച, ഷിക്കാഗോ തിരുഹ്യദയ ക്നാനായ കത്തോലിക്കാ ഫൊറൊനാ ദൈവാലയത്തിന്റെ പന്ത്രണ്ടാം വാർഷികം, വെരി റെവ. ഫാ. എബ്രാഹം മുത്തോലത്ത്, ഇപ്പോഴത്തെയും മുൻ വർഷങ്ങളിലേയും പാരീഷ് എക്സിക്കൂട്ടിവിനോടൊപ്പം കേക്ക് മുറിച്ച് ലളിതമായിട്ട് ആചരിച്ചു. റെവ. ഫാ. എബ്രാഹം മുത്തോലത്തിന്റെ കാർമികത്വത്തിൽ അർപ്പിച്ച വിശുദ്ധ ബലിക്കുശേഷമാണ് പ്രവാസി ക്നാനായക്കാരുടെ തലപ്പള്ളിയായ ഈ ദൈവാലയത്തിന്റെ വാർഷികം, മധുരം പങ്കുവെച്ച് ആഘോഷിച്ചത്. വളരെ സന്തോഷകരമായ ഈ വേളയിൽ, പ്രവാസി ക്നാനായക്കാരുടെ പ്രഥമ ദൈവാലയം സ്ഥാപിച്ച മുൻവികാരി ജനറാളും, ഫൊറോനാ വികാരിയുമായ വെരി റെവ. ഫാ. എബ്രാഹം മുത്തോലത്തിന്റെ നേതൃത്വപാടവവും, പ്രചോദനവും, ദീർഘവീക്ഷണവും, സഹനശക്തിയും ഫൊറോനാംഗങ്ങൾ നന്ദിയോടെ സ്മരിച്ചു. ക്രമീകരണങ്ങൾക്ക് എക്സിക്കൂട്ടീവംഗങ്ങളായ, തോമസ് നെടുവാമ്പുഴ, മാത്യു ഇടിയാലി, സക്കറിയ ചേലക്കൽ, മാത്യു ചെമ്മലകുഴി, റ്റോണി പുല്ലാപ്പള്ളി, സണ്ണി മുത്തോലം, ബിനോയി കിഴക്കനടി എന്നിവർ നേത്യുത്വം നൽകി.
ഷിക്കാഗോ ക്നാനായ കത്തോലിക്കാ ഫൊറോനായിൽ പുതിയ ഗ്രാന്റ് പേരന്റ് ഡേ ആഘോഷിച്ചു
ഷിക്കാഗോ: ഷിക്കാഗൊ സേക്രഡ് ഹാർട്ട് ക്നാനായ കത്തോലിക്കാ ഫൊറോനായിൽ, സെപ്റ്റംബർ 9 ഞായറാഴ്ച രാവിലെ 9.45 ന് നടന്ന വിശുദ്ധ ബലിക്കുശേഷം ഗ്രാന്റ് പേരന്റ് ഡേ ആഘോഷിച്ചു. ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത് ഫൊറോനായിലൂള്ള എല്ലാ ഗ്രാന്റ് പേരന്റിനേയും ആദരിക്കുകയും, അവരെ പ്രാർത്ഥനകൾ ചൊല്ലി ആശീർവദിക്കുകയും ചെയ്തു. തുടർന്ന് ഇവർ വിശ്വാസപരിശീലനത്തിലൂടെ മക്കളേയും, കൊച്ചുമക്കളേയും വളർത്തുന്നതിനും, നല്ല മാത്യുകയായി ജീവിക്കുന്നതിനും, ബഹുമാനപ്പെട്ട മുത്തോലത്തച്ചൻ നന്ദി പറഞ്ഞു.
കൂടല്ലൂര്‍ കെ.സി.വൈ.എല്‍ ഇടവകയിലെ അദ്ധ്യാപകരെ ആദരിച്ചു.
കൂടല്ലൂര്‍: ദേശീയ അദ്ധ്യാപക ദിനത്തോട് അനുബന്ധിച്ച് കൂടല്ലൂര്‍ കെ.സി.വൈ.എല്‍ ഇടവകയിലെ എല്ലാ അദ്ധ്യാപകരെയും ആദരിച്ചു. യോഗത്തില്‍ ജോയിന്‍്റ് സെക്രട്ടറി ക്രിസ്റ്റീന പരിമണത്തേട്ട് ആമുഖസന്ദശേം നല്കി. വികാരി ഫാ.ജോസ് പാട്ടക്കണ്ടം സന്ദേശം നല്കി. തുടര്‍ന്ന് ഇടവകയിലെ ഏറ്റവും മുതിര്‍ന്ന അധ്യാപകനായ റവ.ഡോ. അലക്സ് ചെട്ടിയാത്തിന് ആശംസാ കാര്‍ഡും റോസാപ്പൂവും നല്‍കുകയും വികാരി ഫാ. ജോസ് പാട്ടക്കകണ്ടം പൊന്നാട അണിയിച്ച് ആദരിക്കുകയും ചെയ്തു. തുടര്‍ന്ന് ഇടവകയിലെ 37 അധ്യാപകരെയും ആദരിച്ചു. റിട്ടയര്‍ ചെയ്ത 19 അദ്ധ്യാപകരെയും ഇപ്പോള്‍ സര്‍വീസിലുള്ള 18 ആദ്ധ്യാപകരെയും ആദരിച്ചു. അദ്ധ്യാപകരുടെ പ്രതിനിധിയായി കോട്ടയം സെന്‍്റ് ആന്‍സ് സ്കൂള്‍ പ്രിന്‍സിപ്പല്‍ ജിജി സി അലക്സ് മറുപടി പറഞ്ഞു. യൂണിറ്റ് പ്രസിഡന്‍്റ്, ജിസ്സ് തോമസ് കുളഞ്ഞിയില്‍ നന്ദി പറഞ്ഞു. ഡയറക്ടര്‍ ജയ്സന്‍ തോമസ് കുഞ്ചറക്കാട്ട്, സിസ്റ്റര്‍ സെലീന എസ്.വി.എം, സെക്രട്ടറിജോയല്‍ ജയന്‍ പുളിക്കീല്‍, വൈസ് പ്രസിഡന്‍്റ് സ്റ്റെഫി ഫെലിക്സ് പുളിക്കീല്‍, ട്രഷറര്‍ തോമസ് പീറ്റര്‍ കളപുരയ്ക്കല്‍, എക്സിക്യൂട്ടീവ് അംഗങ്ങളായ ജബിതാ ജയിംസ് കട്ടൂപറമ്പില്‍, അലീന ജോജി പുളിക്കീല്‍ എന്നിവര്‍ പരിപാടികള്‍ക്ക് നേതൃത്വം നല്കി.
പുതുവേലി ഇടവകയുടെ വൈദിക മന്ദിരത്തിനു തറക്കല്ലിട്ടു .
പുതുവേലി ഇടവകയുടെ പുതിയതായി പണിയുന്ന വൈദിക മന്ദിരത്തിന്റെ തറകല്ലിടൽ കർമ്മം വികാരി ഫാ. ജേക്കബ്ബ് വാലയിൽ, ഇടവകാംഗങ്ങൾ എന്നിവരുടെ സാന്നിദ്ധ്യത്തിൽ അതിരൂപത വികാരി ജനറാൾ ബഹു.ഫാ.മൈക്കിൾ വെട്ടിക്കാട്ട് നിര്‍വഹിച്ചു.
കല്ലറ പഴയ പളളിയുടെ പുനര്‍നിര്‍മ്മാണത്തിനു വേണ്ടിയുളള ധനസമാഹരണത്തിന്റെ ഉദ്ഘാടനം നിര്‍വ്വഹിച്ചു .
കല്ലറ പഴയ പളളിയുടെ പുനര്‍നിര്‍മ്മാണത്തിനുളള ധനസമാഹരണത്തിന്റെ ഉദ്ഘാടനം ചിക്കാഗോയില്‍ സിറിയക്ക് പുത്തൻപുരയിൽ നിന്നും ചെക്ക് സ്വീകരിച്ചുകൊണ്ട് ഇടവക വികാരി ഫാ. സാബു മാലിത്തുരുത്തേൽ നിര്‍വ്വഹിച്ചു.
അട്ടപ്പാടി സെന്റ് സ്റ്റീഫൻസ് സൺഡേ സ്കൂളിൽ അധ്യാപക ദിനം ആചരിച്ചു
അട്ടപ്പാടി : അട്ടപ്പാടി സെന്റ് സ്റ്റീഫൻസ് സൺഡേ സ്കൂളിൽ അധ്യാപക ദിനം ആചരിച്ചു. വികാരി. ഫാദർ ബിനീഷ് മാങ്കോട്ടിൽ, ഹെഡ്മാസ്റ്റർ ജോജി നാലന്നുംപടവിൽ, സി:ഷാരോൺ SJC എന്നിവർ നേതൃത്വം നൽകി..
ഉഴവൂര്‍ സെന്റ് സ്റ്റീഫന്‍സ് കോളേജില്‍ കൊമേഴ്സ് വിഭാഗം പൂര്‍വ്വ വിദ്യാര്‍ത്ഥി സംഗമം ഒക്ടോബര്‍ 2ന്.
ഉഴവൂര്‍: ഉഴവൂര്‍ സെന്റ് സ്റ്റീഫന്‍സ് കോളജിലെ കൊമേഴ്സ് വിഭാഗത്തിന്റെ ആഭിമുഖ്യത്തില്‍ പൂര്‍വ്വ വിദ്യാര്‍ത്ഥി സംഗമം നടത്തപ്പെടുന്നു. ഒക്ടോബര്‍ മാസം 2-ാം തീയതി ചൊവ്വാഴ്ച നടത്തപ്പെടുന്ന സംഗമത്തില്‍ എല്ലാ മുന്‍ അധ്യാപകരും പങ്കെടുക്കുന്നതാണ്. ഉഴവൂര്‍ കോളജില്‍ ബികോം, എംകോം, പ്രീഡിഗ്രി ഫോര്‍ത്ത് ഗ്രൂപ്പുകളില്‍ പഠിച്ച എല്ലാ പൂര്‍വ്വ വിദ്യാര്‍ത്ഥികളും അന്നേദിവസം രാവിലെ 10 മണിക്ക് കോളേജില്‍ എത്തിച്ചേരണമെന്ന് അഭ്യര്‍ത്ഥിക്കുന്നു. കൂടുതല്‍ വിവരങ്ങള്‍ക്ക് ബന്ധപ്പെടുക: പ്രൊഫ. സ്റ്റീഫന്‍ മാത്യു:9562392024 പ്രൊഫ. അഭിഷേക് തോമസ്:9744280255 ജോസ് ചാണ്ടി:9447130114"
മുംബൈ ക്നാനായ സൊസൈറ്റിയുടെ വാര്‍ഷികവും ക്നാനായ സംഗവും നടത്തപ്പെട്ടു.
മുംബൈ; ക്നാനായ സൊസൈറ്റിയുടെ നേതൃത്വത്തില്‍ 2018 സെപ്റ്റബര്‍ മാസം 9 ന് മുംബൈ ബന്ദ്രായില്‍ വച്ച് മുംബൈ ക്നാനായ സൊസൈറ്റിയുടെ ഈ വര്‍ഷത്തെ വാര്‍ഷിക ജനറല്‍ബോഡി യോഗവും ക്നാനായ സംഗവും നടത്തപ്പെട്ടു. വി.കുര്‍ബാനയോടു കൂടി ആരംഭിച്ച AGM-യും സംഗമവും കോട്ടയം അതിരൂപത ഡയാസ്‌പൊറോ ഇന്‍ചാര്‍ജ് ഫാ.ചാക്കോച്ചന്‍ വണ്ടന്‍കുഴിയി, മുംബൈ ക്നാനായ അസോസിയേഷന്‍ പ്രസിഡന്റ് ജിമ്മി ലൂക്കോസ് എരുമേലിക്കര, വൈസ് പ്രസിഡന്റ് ജെസ്റ്റിന്‍ തോമസ്, ഫാ.ജോബി സെന്റ് പോള്‍, സെക്രട്ടറി ജോബി മാത്യു, ട്രഷറര്‍ ജോയി പാറടിയില്‍, ട്രസ്റ്റി കെ.യു എബ്രഹാം, ജോയിന്റ് സെക്രട്ടറി ആന്‍സി വിക്ടര്‍ മാങ്കോട്ടില്‍ എന്നിവര്‍ ചേര്ന്ന് ഭദ്ര്യദീപം കൊളുത്തി ഉദ്ഘാടനം ചെയ്തു. മുംബൈ കെ.സി.വൈ.എല്‍ പ്രസിഡന്റ് രൂപേഷിന്റെയും കെ.സി.വൈ.എല്‍ അംഗങ്ങളുടേയും നേതൃത്വത്തില്‍ വിവിധ കലാപരിപാടികള്‍ അരങ്ങേറി. മുംബൈയിലും പരിസരപ്രദേശങ്ങളിലും ഉളള പ്രവാസി ക്നാനായ ജനത്തിനു ഒരുമിച്ചു കൂടുവാനും അവരുടെ സ്‌നേഹവും, സൗഹൃദവും, കൂട്ടായ്മയും പങ്കുവയ്ക്കുവാനും AGM-യും ക്നാനായ സംഗമവും കാരണമായി.
ചിക്കാഗോ: മോർട്ടൺഗ്രോവ് സെ.മേരിസിൽ പരിശുദ്ധ കന്യകാ മാതാവിന്റെ ജനന തിരുന്നാൾ ആഘോഷിച്ചു.
ചിക്കാഗോ: മോർട്ടൺഗ്രോവ് സെ.മേരീസ് ക്നാനായ ദൈവാലയത്തിൽ പരിശുദ്ധ കന്യക മാതാവിന്റെ ജന്മദിനം ആചരിച്ചു. കഴിഞ്ഞ എട്ട് ദിനങ്ങളിലായി ആത്മീയമായ ഒരുക്കത്തോടെ ഭക്തിപൂവ്വം നടത്തിയിരുന്ന നോമ്പാചരണത്തിന്റെ സമാപന ദിനമായ സെപ്തംബർ എട്ട് ശനിയാഴ്ച രാവിലെ പത്തുമണിക്ക് നടന്ന വി.ബലിയിൽ ഇടവക വികാരി മോൺസിഞ്ഞോർ തോമസ് മുളവനാൽ, അസി.വികാരി ഫാ. ബിൻസ് ചേത്തലിൽ കാർമികരായിരുന്നു. ജീവിത പ്രതിസന്ധികളിൽ നാം ഭഗ്നാശരാകാതെ പരി.അമ്മയെപ്പോലെ എല്ലാ സഹനങ്ങൾക്കും പിന്നിൽ ദൈവത്തിന്റെ പദ്ധതിയുണ്ട്ന്നുള്ള തിരിച്ചറിവിലൂടെ നമ്മുടെ ജീവിതവും പുണ്യ ജന്മങ്ങളാക്കി മാറ്റണമെന്നും ഓർമിപ്പിക്കുകയും,അമ്മയുടെ ജനനത്തിരുനാളിനോടനുബന്ധിച്ച് നമ്മുടെ ഉള്ളിലും പരിശുദ്ധ അമ്മ വന്നു പിറന്ന് ജീവിത സഹനങ്ങൾ നേരിടുവാനുള്ള കൃപയ്ക്കു വേണ്ടി പ്രത്യേകം പ്രാർത്ഥിക്കണമെന്നും ബഹുമാനപ്പെട്ട ബിൻസ് അച്ഛൻ തന്റെ വചന സന്ദേശത്തിൽ ജനങ്ങളെ ഉദ്ബോധിപ്പിച്ചു.
വിശുദ്ധ കുർബാനയ്ക്കുശേഷം ഇടവകയിലെ എല്ലാ മേരി നാമധാരികളെ ആദരിക്കുകയും വെഞ്ചിരിച്ച പരിശുദ്ധഅമ്മയുടെ ഛായാചിത്രം സമ്മാനിക്കുകയും ചെയ്തു. പരി. അമ്മയുടെ ജനനതിരുന്നാൾ ആഘോഷത്തിന്റെ ഭാഗമായി ഏവരും കേക്ക് മുറിച്ച് മധുരം പങ്കിടുകയും സമാപനത്തിൽ മേരി നാമധാരികളിൽ ഏറ്റവും പ്രായം കുറഞ്ഞ കുട്ടിയോടൊപ്പം പരിശുദ്ധ അമ്മയുടെ തിരുസ്വരൂപ മുന്നിൽ പുഷ്പാർച്ചന നടത്തി വണങ്ങുകയും ചെയ്തു.
ആർഭാടങ്ങൾ ഒഴിവാക്കി പ്രളയകെടുതിയിൽ കഷ്ടതയനുഭവിച്ചവർക്ക് താങ്ങായി ചുള്ളിക്കര ഇടവക.
ചുള്ളിക്കര : ചുള്ളിക്കര സെന്റ് മേരിസ് ഇടവകയുടെ പ്രധാന തിരുനാളിന്റ ആർഭാടങ്ങൾ ഒഴിവാക്കി ലാളിത്യത്തോടെ തിരുനാൾ കൊണ്ടാടി അതിലൂടെ സമാഹരിച്ച 2 ലക്ഷം രൂപ ഇടവക ട്രസ്റ്റി ശ്രീ ഫിലിപ്പ് ആണ്ടു മ്യാലിൽ ശ്രീ ജയ്സ് പുത്തൻപുരയിൽ ഇടവക വികാരി റവ ഫാ, ബേബി പറ്റ്യാൽ എന്നിവർ കോട്ടയം അതിരൂപത വികാരി ജനറാൾ വെരി റവ, ഫാ മൈക്കിൾ വെട്ടിക്കാട്ടിന് പ്രളയദുരിതാശ്വാസ പുനർനിർമ്മാണ പ്രവർത്തനത്തിലേയ്ക്ക് നൽക്കുന്നു.
ബൈസൺവാലി മായൽത്താമാതാ പള്ളിയിൽ എട്ടു നോമ്പ് തിരുന്നാൾ ആഘോഷിച്ചു.
ബൈസൺവാലി: എട്ടു ദിവസമായി ബൈസൺവാലി മായൽത്താമാതാ പള്ളിയിൽ നടന്നുവന്നിരുന്ന എട്ടു നോമ്പ് തിരുന്നാൾ സമാപിച്ചു. എട്ട് ദിവസവും, നൊവേനയും, ലദീഞ്ഞും,ജപമാലയും, വിശുദ്ധ കുർബ്ബാനയും, പാച്ചോർ നേർച്ചയും ഉണ്ടായിരുന്നു. അവസാദിനം നടന്ന തിരുന്നാൾ റാസക്ക് ബഹുമാനപെട്ട ഉഴവൂർ പള്ളി വികാരി Fr . തോമസ് പ്രാലേൽ നേതൃത്വം നല്കി. തിരുന്നാൾ സന്ദേശം Fr .ജിൻസ് നെല്ലിക്കാട്ടിൽ നൽകി, തുടർന്ന് നടന്ന തിരുന്നാൾ പ്രദിക്ഷണത്തോടു കൂടി തിരുന്നാൾ സമാപിച്ചു . വികാരി Fr. സ്റ്റാബിൻ നീർപ്പാറമറയിൽ, കൈക്കാരന്മാർ, സജി കുടുംബകുഴിയിൽ, സോജൻ തേക്കുംകാട്ടിൽ, ഇടവക ജനങ്ങൾ ഒന്നു ചേർന്ന് നേതൃത്വം നൽകി.
മടമ്പം ലൂർദ്ദ് മാതാ ഫൊറോന ദൈവാലയത്തിലെ പരി. കന്യകാമറിയത്തിന്റെ ജനന തിരുനാൾ ആചരിച്ചു..
മടമ്പം: മടമ്പം ലൂർദ് മാതാ ഫൊറോന ദേവാലയത്തിൽ പരി. അമ്മയുടെ ജനന തിരുനാൾ വളരെ മനോഹരമായും ഭക്തി സാന്ദ്രമായും ആചരിച്ചു. എട്ടാം ദിവസമായ ഇന്നലെ മേരി_അന്നമ്മ കൂട്ടായ്മ വയ്ക്കുകയും കാഴ്ച സമർപ്പണം നടത്തുകയും ചെയ്തു.തുടർന്ന് റവ.ഫാ. മൈക്കിൾ വെട്ടിക്കാട്ടിലിന്റെ കാർമ്മികത്വത്തിൽ ആഘോഷമായ ദിവ്യബലിയം തുടർന്ന് സന്ദേശവും ജപമാല പ്രദക്ഷിണവും പാച്ചോർ നേർച്ചയും നടത്തി.