india

എസ്‌.എച്ച്‌. മൗണ്ട്‌ സമ്പൂര്‍ണ്ണ കെ.സി.സി ഇടവക.

Tiju Kannampally  ,  2018-07-07 04:41:42amm

കോട്ടയം: ക്‌നാനായ സമുദായ പാരമ്പര്യവും, തനിമയും, ആചാരങ്ങളും കാത്ത്‌ പരിപാലിക്കാന്‍ കെ.സി.സി. അംഗങ്ങള്‍ പ്രതിജ്ഞാബദ്ധരായിരിക്കണമെന്ന്‌ അഭിവന്ദ്യ മാര്‍ ജോസഫ്‌ പണ്ടാരശ്ശേരി. ആചാരങ്ങള്‍ വികലമാക്കപ്പെടാതെ ആചരിക്കാന്‍ മാതാപിതാക്കളും കുടുംബാംഗങ്ങളും പ്രത്യേക ശ്രദ്ധ പതിപ്പിക്കണമെന്നും അദ്ദേഹം ഓര്‍മ്മിപ്പിച്ചു. ആചാരാനുഷ്‌ഠാനങ്ങള്‍ക്ക്‌ നേതൃത്വം കൊടുക്കാന്‍ ഈവന്‍ മാനേജ്‌മെന്റുകളെയോ മറ്റുള്ളവരെയോ ഏല്‍പിക്കാതെ കുടുംബാംഗങ്ങള്‍ അത്‌ നേരിട്ട്‌ നടത്തണമെന്നും അദ്ദേഹം അഭിപ്രായപ്പെട്ടു. സംഘടനയുടെ വളര്‍ച്ചയ്‌ക്ക്‌ ആവശ്യമായ എല്ലാ അംഗങ്ങളും ഭരണഘടന വായിക്കുകയും ലക്ഷ്യം മനസ്സിലാക്കുകയും വേണം. അതോടൊപ്പം അര്‍ത്ഥവത്തായ രീതിയില്‍ വിവാഹചടങ്ങുകള്‍ ആചരിക്കണമെന്നും അദ്ദേഹം പ്രസംഗമദ്ധ്യേ സൂചിപ്പിച്ചു. എസ്‌.എച്ച്‌. മൗണ്ട്‌ ഇടവക സമ്പൂര്‍ണ്ണ കെ.സി.സി ഇടവകയാക്കിക്കൊണ്ടുള്ള പ്രഖ്യാപന ചടങ്ങുകളുടെ ഉദ്‌ഘാടനം അദ്ദേഹം നിര്‍വഹിച്ചു. പ്രസിഡണ്ട്‌ അഡ്വ. മാത്യു ഫിലിപ്പിന്റെ അദ്ധ്യക്ഷതയില്‍ നടന്ന ചടങ്ങില്‍ കെ.സി.സി അതിരൂപതാ പ്രസിഡണ്ട്‌ ശ്രീ. സ്റ്റീഫന്‍ ജോര്‍ജ്ജ്‌ എക്‌സ്‌. എം.എല്‍.എ സമ്പൂര്‍ണ്ണ ഇടവക പ്രഖ്യാപനം നടത്തി. കെ.സി.സി. അതിരൂപതാ സെക്രട്ടറി ഷൈജി ഓട്ടപ്പള്ളില്‍ എസ്‌.എച്ച്‌. മൗണ്ട്‌, സെ. മാര്‍സിലിനാസ്‌ സ്‌കൂള്‍ പ്രതിനിധികള്‍ ആയ സി. സോഫി, സി. ലൈസി എസ്‌.വി.എം എന്നിവര്‍ക്ക്‌ നിര്‍ദ്ധന വിദ്യാര്‍ത്ഥികള്‍ക്കുള്ള പഠനോപകരണ ധനസഹായ വിതരണം നടത്തി.



Latest

Copyrights@2016.