pravasi

യു.കെ.കെ.സി.എ യുടെ 17-ാം മത് ക്നാനായ കണ്‍വെന്‍ഷന്‍ വര്‍ണ്ണാഭമായി .

Tiju Kannampally  ,  2018-07-09 01:55:26amm

 

യു കെ യിലെ തൃശൂര്‍ പൂരം" എന്നറിയപ്പെടുന്ന ക്‌നാനായ കണ്‍വെന്‍ഷന്‍ കെങ്കേമമായി.
മുത്തുക്കുടകളും നാടന്‍ വസ്ത്രങ്ങളും ,ചെണ്ടമേളവുമായി ചെല്‍ട്ടന്‍ഹാമിനെ ഒരു "മിനി തൃശൂര്‍പൂരമാക്കി" ക്നാനായ സമൂഹം മാറ്റി. നാലായിരത്തിലധികം ആളുകള്‍ പരിപാടിയില്‍ പങ്കെടുത്തു. ഇത്തവണത്തെ ഏറ്റവും വലിയ ഒരു പ്രത്യേകത റാലിയില്‍ പാറികളിച്ച പതാക ബ്രിട്ടീഷ് ദേശിയ പതാകയായിരുന്നു . ഒപ്പം ഇന്ത്യന്‍ ദേശിയ പതാകയും കാണാമായിരുന്നു ഒരു കുടിയേറ്റ സമൂഹം എന്നനിലയില്‍ എത്തപ്പെട്ടുനില്‍ക്കുന്ന സമൂഹത്തില്‍ ലയിച്ചുചേരുന്നതിന്റെ പ്രതീകമായി ബ്രിട്ടിഷ് ദേശിയ പതാകകള്‍ .
ശനിയാഴ്ച രാവിലെ 9 മണിക്ക് യുകെകെസിഎ പ്രസിഡന്റ് തോമസ് ജോസഫ്‌ തൊണ്ണമാക്കില്‍ പതാക ഉയര്‍ത്തിയതോടെ വര്‍ണ്ണശബളമായ കണ്‍വെന്‍ഷനു തുടക്കമായി, പിന്നീട് പത്തുമണിക്ക് കോട്ടയം സഹായ മെത്രാന്‍ ജോസഫ് പണ്ടാരശേരിയുടെ നേതൃത്വത്തില്‍ കുര്‍ബാന നടന്നു.
തുടര്‍ന്നു നടന്ന റാലിയില്‍ യുകെകെസിഎ യുടെ 50 യൂണിറ്റില്‍ നിന്നുമുള്ള അംഗങ്ങള്‍ അണിനിരന്നു. റാലിയുടെ മുന്‍നിരയില്‍ ബിഷപ്പ് ജോസഫ് പണ്ടാരശേരി, ഇടുക്കി എം എല്‍ എ റോഷി അഗസ്റ്റിന്‍ ,യുകെകെസിഎ സെന്‍ട്രല്‍ കമ്മറ്റി അംഗങ്ങള്‍ ,വിശിഷ്ട്ടതിഥികള്‍ എന്നിവര്‍ അണിനിരന്നു. റാലിയില്‍ ഒരു കര്‍ഷക സമൂഹം എന്ന നിലയില്‍ നിന്നും ക്നാനായ സമൂഹം വളര്‍ന്നതിന്റെ ഗതി വിഗതികളില്‍ കുടിയേറ്റം മുതല്‍ അവസാനത്തെ കുടിയേറ്റത്തിന്റെ പ്രതീകമായ നഴ്സിംഗ് വരെ അവതരിപ്പിച്ചിരുന്നു . 
കൂടാതെ സമകാലീന സംഭവമായ അഗളിയിലെ മധു വിന്റെ കൊലപാതകം ,കൂടാതെ ക്രിസ്തുവിന്റെ കുരിശുമരണവും ഭംഗിയായി നിശ്ചലദൃശൃമായി പ്രദര്‍ശിപ്പിച്ചിരുന്നു .
റാലിക്കു മുന്‍പ് യുകെകെസിഎ വിമന്‍സ് ഫോറത്തിന്റെ നേതൃത്വത്തില്‍ നടന്ന ഫ്ലാഷ് മൊബ് സ്ത്രീ ശാക്തീകരണം വിളിച്ചോതുന്നതായിരുന്നു . കടുത്ത ചൂടില്‍ അവര്‍ നടത്തിയ ഫ്ലാഷ് മൊബ് അഭിനന്ദനമര്‍ഹിക്കുന്നു .
റാലിക്കു ശേഷം നിലവിളക്കു കൊളുത്തികൊണ്ട് ബിഷപ്പ് പണ്ടാരശ്ശേരി സാംസ്‌കാരിക സമ്മേളനത്തിന് തുടക്കം കുറിച്ചു. ഒരു കുടിയേറ്റ സമൂഹം എന്നനിലയില്‍ കുടിയേറിചെല്ലുന്ന സമൂഹത്തില്‍ ഇഴുകിച്ചേര്‍ന്നു ക്നാനായ സംസ്കാരവും കുടുംബപാരമ്പര്യവും നിലനിര്‍ത്തിപോകാന്‍ ക്നാനായ സമൂഹം ശ്രമിക്കണമെന്നു ബിഷപ്പ് ഓര്‍മിപ്പിച്ചു .കുടുംബമാണ് സമൂഹത്തിന്റെ അടിത്തറ. കുടുംബം നന്നായാല്‍ സമൂഹം നന്നാകും അതുകൊണ്ട് കുടുംബത്തെ വിശ്വാസത്തില്‍ ഉറപ്പിച്ചുനിര്‍ത്താന്‍ കഴിയണമെന്ന് അദ്ദേഹം പറഞ്ഞു . 40 രാജ്യങ്ങളിലായി 18000 യുവാക്കള്‍ ഈ സമൂഹത്തിനുണ്ട്. അവരിലൂടെയാണ് ഈ സമൂഹം വളരേണ്ടതെന്നു ബിഷപ്പ് പറഞ്ഞു .
ക്നാനായ സമൂഹം ലോകത്തു മുഴുവന്‍ നമ്മുടെ സംസ്ക്കാരവും പാരമ്പര്യവും നിലനിര്‍ത്തുന്നതില്‍ വലിയ പങ്കാണ് വഹിക്കുന്നതെന്നു ഇടുക്കി എം എല്‍ എ റോഷി അഗസ്റ്റിന്‍ പറഞ്ഞു .സമുദായത്തിന്റെ അടിസ്ഥാന മൂല്യങ്ങളില്‍ നിന്നും വ്യതിചലിക്കാന്‍ തങ്ങള്‍ ഒരിക്കലും അനുവദിക്കില്ലെന്നു യുകെകെസിഎ പ്രസിഡണ്ട് തോമസ് ജോസഫ്‌ തൊണ്ണമാക്കല്‍ , സെക്രെട്ടറി സജു ലൂക്കോസ് പാണപറമ്പില്‍ എന്നിവര്‍ പ്രഖ്യാപിച്ചു .യു കെ യില്‍ പുതിയതായി രൂപികരിച്ച ക്നാനായ മിഷനുകള്‍ ക്നാനായ സമൂഹത്തിന്റെ വളര്‍ച്ചക്ക് ഉപഹരിക്കുമെന്നും അവര്‍ പറഞ്ഞു.
തുടര്‍ന്ന് കലാഭവന്‍ നൈസിന്റെ നേതൃത്വത്തില്‍ ഒരുക്കിയ വെല്‍ക്കം ഡാന്‍സ് നിറഞ്ഞ കൈയടിയോടെയാണ് സദസ് ഏറ്റുവാങ്ങിയത് .ജോണ്‍ മുളയുങ്കല്‍ സംവിധാനം ചെയ്ത മാതൃത്വത്തിന്റെ മഹത്വo വിളിച്ചറിയുന്ന സ്കിറ്റ് കാണികളുടെ കണ്ണുനിറയിച്ചു. ലിവര്‍പൂള്‍ കുട്ടികള്‍ അവതരിപ്പിച്ച ഡാന്‍സും കാണികളുടെ ശ്രദ്ധയാകര്‍ഷിച്ചു .മികച്ച കലാപരിപാടികളാണ് മറ്റു യൂണിറ്റുകളും അവതരിപ്പിച്ചത് . വാശിയേറിയ റാലിയില്‍ ബെര്‍മിങ്ങാം ഒന്നാം സമ്മാനവും ലിവര്‍പൂള്‍ രണ്ടാം സമ്മാനവും നേടി .
പരിപാടിയില്‍ പങ്കെടുത്ത എല്ലാവര്‍ക്കും നല്ലരീതിയില്‍ ഭക്ഷണവും ക്രമീകരിച്ചിരുന്നു. 
ബ്രിട്ടീഷ് ദേശീയഗാനത്തോടുകൂടി ആരംഭിച്ച സമ്മേളനം ഇന്ത്യന്‍ ദേശീയഗാനത്തോടുകൂടി രാത്രി പത്തരയോടെ അവസാനിച്ചു. സംഘടനമികവുകൊണ്ട് സമ്പന്നമായിരുന്നു 17ാം മതു കണ്‍വെന്‍ഷന്‍ . 

യു.കെ.കെ.സി.എ യുടെ 17-ാംമത്കണ്‍വെന്‍ഷന്‍  മുത്തുക്കുടകളും,ചെണ്ടമേളവുമായി  വര്‍ണ്ണാഭമായി.ശനിയാഴ്ച രാവിലെ 9 മണിക്ക് യുകെകെസിഎ പ്രസിഡന്റ് തോമസ് ജോസഫ്‌ തൊണ്ണമാക്കില്‍ പതാക ഉയര്‍ത്തിയതോടെ വര്‍ണ്ണശബളമായ കണ്‍വെന്‍ഷനു തുടക്കമായി, പിന്നീട് പത്തുമണിക്ക് കോട്ടയം സഹായ മെത്രാന്‍ ജോസഫ് പണ്ടാരശേരിയുടെ നേതൃത്വത്തില്‍ കുര്‍ബാന നടന്നു.തുടര്‍ന്നു നടന്ന റാലിയില്‍ യുകെകെസിഎ യുടെ 50 യൂണിറ്റില്‍ നിന്നുമുള്ള അംഗങ്ങള്‍ അണിനിരന്നു. റാലിയുടെ മുന്‍നിരയില്‍ ബിഷപ്പ് ജോസഫ് പണ്ടാരശേരി, ഇടുക്കി എം എല്‍ എ റോഷി അഗസ്റ്റിന്‍ ,യുകെകെസിഎ സെന്‍ട്രല്‍ കമ്മറ്റി അംഗങ്ങള്‍ ,വിശിഷ്ട്ടതിഥികള്‍ എന്നിവര്‍ അണിനിരന്നു. റാലിയില്‍ ഒരു കര്‍ഷക സമൂഹം എന്ന നിലയില്‍ നിന്നും ക്നാനായ സമൂഹം വളര്‍ന്നതിന്റെ ഗതി വിഗതികളില്‍ കുടിയേറ്റം മുതല്‍ അവസാനത്തെ കുടിയേറ്റത്തിന്റെ പ്രതീകമായ നഴ്സിംഗ് വരെ അവതരിപ്പിച്ചിരുന്നു . കൂടാതെ സമകാലീന സംഭവമായ അഗളിയിലെ മധു വിന്റെ കൊലപാതകം ,കൂടാതെ ക്രിസ്തുവിന്റെ കുരിശുമരണവും ഭംഗിയായി നിശ്ചലദൃശൃമായി പ്രദര്‍ശിപ്പിച്ചിരുന്നു .

.

റാലിക്കു ശേഷം നിലവിളക്കു കൊളുത്തികൊണ്ട് ബിഷപ്പ് പണ്ടാരശ്ശേരി സാംസ്‌കാരിക സമ്മേളനത്തിന് തുടക്കം കുറിച്ചു. ഒരു കുടിയേറ്റ സമൂഹം എന്നനിലയില്‍ കുടിയേറിചെല്ലുന്ന സമൂഹത്തില്‍ ഇഴുകിച്ചേര്‍ന്നു ക്നാനായ സംസ്കാരവും കുടുംബപാരമ്പര്യവും നിലനിര്‍ത്തിപോകാന്‍ ക്നാനായ സമൂഹം ശ്രമിക്കണമെന്നു ബിഷപ്പ് ഓര്‍മിപ്പിച്ചു .കുടുംബമാണ് സമൂഹത്തിന്റെ അടിത്തറ. കുടുംബം നന്നായാല്‍ സമൂഹം നന്നാകും അതുകൊണ്ട് കുടുംബത്തെ വിശ്വാസത്തില്‍ ഉറപ്പിച്ചുനിര്‍ത്താന്‍ കഴിയണമെന്ന് അദ്ദേഹം പറഞ്ഞു . 40 രാജ്യങ്ങളിലായി 18000 യുവാക്കള്‍ ഈ സമൂഹത്തിനുണ്ട്. അവരിലൂടെയാണ് ഈ സമൂഹം വളരേണ്ടതെന്നു ബിഷപ്പ് പറഞ്ഞു .

ക്നാനായ സമൂഹം ലോകത്തു മുഴുവന്‍ നമ്മുടെ സംസ്ക്കാരവും പാരമ്പര്യവും നിലനിര്‍ത്തുന്നതില്‍ വലിയ പങ്കാണ് വഹിക്കുന്നതെന്നു ഇടുക്കി എം എല്‍ എ റോഷി അഗസ്റ്റിന്‍ പറഞ്ഞു .സമുദായത്തിന്റെ അടിസ്ഥാന മൂല്യങ്ങളില്‍ നിന്നും വ്യതിചലിക്കാന്‍ തങ്ങള്‍ ഒരിക്കലും അനുവദിക്കില്ലെന്നു യുകെകെസിഎ പ്രസിഡണ്ട് തോമസ് ജോസഫ്‌ തൊണ്ണമാക്കല്‍ , സെക്രെട്ടറി സജു ലൂക്കോസ് പാണപറമ്പില്‍ എന്നിവര്‍ പ്രഖ്യാപിച്ചു .യു കെ യില്‍ പുതിയതായി രൂപികരിച്ച ക്നാനായ മിഷനുകള്‍ ക്നാനായ സമൂഹത്തിന്റെ വളര്‍ച്ചക്ക് ഉപഹരിക്കുമെന്നും അവര്‍ പറഞ്ഞു.

തുടര്‍ന്ന് കലാഭവന്‍ നൈസിന്റെ നേതൃത്വത്തില്‍ ഒരുക്കിയ വെല്‍ക്കം ഡാന്‍സ് നിറഞ്ഞ കൈയടിയോടെയാണ് സദസ് ഏറ്റുവാങ്ങിയത് .ജോണ്‍ മുളയുങ്കല്‍ സംവിധാനം ചെയ്ത മാതൃത്വത്തിന്റെ മഹത്വo വിളിച്ചറിയുന്ന സ്കിറ്റ് കാണികളുടെ കണ്ണുനിറയിച്ചു. ലിവര്‍പൂള്‍ കുട്ടികള്‍ അവതരിപ്പിച്ച ഡാന്‍സും കാണികളുടെ ശ്രദ്ധയാകര്‍ഷിച്ചു .മികച്ച കലാപരിപാടികളാണ് മറ്റു യൂണിറ്റുകളും അവതരിപ്പിച്ചത് . വാശിയേറിയ റാലിയില്‍ ബെര്‍മിങ്ങാം ഒന്നാം സമ്മാനവും ലിവര്‍പൂള്‍ രണ്ടാം സമ്മാനവും നേടി .ബ്രിട്ടീഷ് ദേശീയഗാനത്തോടുകൂടി ആരംഭിച്ച സമ്മേളനം ഇന്ത്യന്‍ ദേശീയഗാനത്തോടുകൂടി രാത്രി പത്തരയോടെ അവസാനിച്ചു.

 

 

 

 



Latest

Copyrights@2016.