india

ഏകദിന സഹവാസ ക്യാമ്പ്‌ നടത്തി.

Tiju Kannampally  ,  2018-10-09 12:50:09amm

കടുത്തുരുത്തി: കടുത്തുരുത്തി വലിയപള്ളി ഇടവകയിലെ പാരീഷ്‌ കൗണ്‍സില്‍ അംഗങ്ങള്‍, കൂടാരയോഗ ഭാരവാഹികള്‍, സംഘടനാ ഭാരവാഹികള്‍ എന്നിവര്‍ പാഴുത്തുരുത്ത്‌ മരിയമലയില്‍ ഏകദിന സഹവാസ ക്യാമ്പ്‌ നടത്തി. ഫാ. ബ്രസന്‍ ഒഴുങ്ങാലിലിന്റെ പ്രാര്‍ത്ഥനാ ശുശ്രൂഷയോടെ ക്യാമ്പിന്‌ തുടക്കമായി. ഫൊറോന വികാരി ഫാ. അബ്രഹാം പറമ്പേട്ട്‌ സ്വാഗതം പറഞ്ഞു. ഫാ. ജേക്കബ്‌ മുല്ലൂര്‍ ക്ലാസ്‌ നയിച്ചു. തുടര്‍ന്ന്‌ ഗ്രൂപ്പുകളായി തിരിഞ്ഞ്‌ വിശദമായ ചര്‍ച്ചയിലൂടെ കടുത്തുരുത്തി ഇടവകയില്‍ വിവിധ തലങ്ങളില്‍ അടുത്ത മൂന്നുവര്‍ഷം നടപ്പിലാക്കേണ്ട കാര്യങ്ങളെക്കുറിച്ച്‌ ഒരു പ്രവര്‍ത്തന മാര്‍ഗരേഖയുടെ കരട്‌ തയ്യാറാക്കി. കൂടാരയോഗം കേന്ദ്രകമ്മറ്റി പ്രസിഡന്റ്‌ സാബു മുണ്ടകപ്പറമ്പില്‍ നന്ദി പറഞ്ഞു. ഫാ. സജി മേക്കാട്ടേല്‍ നയിച്ച ആരാധനയോടെ ക്യാമ്പ്‌ സമാപിച്ചു. ഫാ. അബ്രഹാം പറമ്പേട്ട്‌, ഫാ. ബ്രസന്‍ ഒഴുങ്ങാലില്‍, ഫാ. സജി മേക്കാട്ടേല്‍,കൈക്കാരന്മാരായ കുര്യന്‍ തേനാകര, ബെന്നി ഞാറവേലി, ഫിലിപ്പ്‌ ചാന്തുരുത്തില്‍, പാരീഷ്‌ കൗണ്‍സില്‍ സെക്രട്ടറി ജോസ്‌ വെങ്ങാലില്‍ എന്നിവര്‍ പരിപാടികള്‍ക്ക്‌ നേതൃത്വം നല്‍കി. 75 പേര്‍ ക്യാമ്പില്‍ പങ്കെടുത്തു



Latest

Copyrights@2016.