america

ശ്രീ. തോമസ് ചാഴികാടൻ എം.പി അമേരിക്കയിൽ.

Editor  ,  2019-10-29 07:20:56pmm സ്റ്റീഫൻ ചൊള്ളംമ്പേൽ (പി.ആർ.ഒ)

ചിക്കാഗോ.

നവംബർ 1,2,3 തീയതികളിൽ ചിക്കാഗോയിൽ നടക്കുന്ന കെ.സി.വൈ.എൽ മുൻകാല നേതാക്കൾ ഒരുക്കുന്ന തലമുറകളുടെ സംഗമത്തിൽ പങ്കെടുക്കുവാൻ ശ്രീ.തോമസ് ചാഴികാടൻ എം.പി, കോട്ടയം അതിരൂപത ആർച്ച് ബിഷപ്പ് മാർ മാത്യു മൂലക്കാട്ട് എന്നിവർ ചിക്കാഗോയിൽ എത്തുന്നു. 1969 സ്ഥാപിതമായ കേരളത്തിലെ ആദ്യത്തെ കത്തോലിക്ക യുവജന സംഘടനയായ കെ.സി.വൈ.എൽ സുവർണ ജൂബിലി ആഘോഷങ്ങളുടെ ഭാഗമായാണ് സംഗമം ഒരുക്കുന്നത്. തലമുറകളുടെ സംഗമം എന്ന പേരിൽ അറിയപ്പെടുന്ന ഈ ക്നാനായ മാമാങ്കം ചിക്കാഗോ സെ. മേരീസ് ക്നാനായ ദേവാലയത്തിൽ വെച്ച് നവംബർ 1,2,3 തീയതികളിൽ നടത്തപ്പെടും. കെ.സി.വൈ.എല്‍ സംഘടനയിലൂടെ വളര്‍ന്നു ഇന്ന്‌ ലോകം മുഴുവന്‍ വ്യാപിച്ചു കിടക്കുന്ന വിവിധ ക്‌നാനായ അല്‍മായ സംഘടനാ നേതാക്കളുൾപ്പെടെ ‍, നാട്ടിലും വിദേശത്തുമുള്ള കെ.സി.വൈ.എല്‍ മുന്‍ അതിരൂപത ഫൊറോനാ യൂണിറ്റ്‌ ഭാരവാഹികള്‍, പ്രവര്‍ത്തകര്‍ തുടങ്ങി നിരവധിപേര്‍ പരിപാടിയില്‍ പങ്കെടുക്കുവാനായി ചിക്കാഗോയിൽ എത്തുന്നു. ശ്രീ.തോമസ് ചാഴികാടൻ പലതവണ അമേരിക്ക സന്ദർശിച്ചിട്ടുണ്ടെങ്കിലും എം. പി ആയതിനുശേഷം ആദ്യമായാണ് തലമുറകളുടെ സംഗമത്തിൽ പങ്കെടുക്കുവാനായി അമേരിക്ക സന്ദർശിക്കുന്നത്. ഈ സംഘടനയുടെ 50 വർഷം പൂർത്തിയാകുന്ന കഴിഞ്ഞ നവംബറിൽ ആരംഭിച്ച സുവർണ്ണ ജൂബിലി ആഘോഷങ്ങളുടെ ഭാഗമായാണ്  പൂർവ്വ നേതാക്കമാർക്കും പ്രവർത്തകർക്കും വേണ്ടി ചിക്കാഗോയിൽ "തലമുറകളുടെ സംഗമം" സംഘടിപ്പിക്കുന്നത് . പ്രസ്തുത പരിപാടിയിൽ പങ്കെടുക്കുവാൻ എത്തുന്ന ശ്രീ.തോമസ് ചാഴികാടൻ എം.പി ഉൾപ്പെടെ പ്രമുഖ നേതാക്കളേവരെയും സ്വീകരിക്കുവാൻ സെ.മേരീസിലെ ക്നായിതൊമ്മൻ നഗർ ഒരുങ്ങിക്കഴിഞ്ഞു.

 



Latest

Copyrights@2016.