gulf

കൊവിഡ് 19 ; സൗദിയിൽ സ്വകാര്യ മേഖല ജീവനക്കാര്‍ക്കും അവധി

Tiju Kannampally  ,  2020-03-17 11:42:22pmm

 

റിയാദ്: കൊവിഡ് 19 വ്യാപനം തടയുന്നതിന്റെ ഭാഗമായി സര്‍ക്കാര്‍ വകുപ്പുകള്‍ക്ക് രണ്ടാഴ്ച്ച കാലത്തെ അവധി പ്രഖ്യാപിച്ചതിനു പിന്നാലെ രാജ്യത്തെ സ്വകാര്യ കമ്ബനികള്‍ക്കും അവധി പ്രഖ്യാപിച്ചു. സഊദി തൊഴില്‍ സാമൂഹിക മാനവ ശേഷി മന്ത്രാലയമാണ് 15 ദിവസത്തെ നിയന്ത്രിത അവധി പ്രഖ്യാപിച്ചത്. ഇന്ന് മുതല്‍ 15 ദിവസത്തേക്കുള്ള അവധിയില്‍ വെള്ളം, വൈദ്യുതി, ടെലികമ്മ്യൂണിക്കേഷന്‍ മേഖലകളെ ഒഴിവാക്കിയിട്ടുണ്ട്. വിവിധ കമ്ബനികളുടെ മെയിന്‍ ഓഫീസുകളില്‍ ജോലി ചെയ്യുന്നവര്‍ ഓഫീസില്‍ ഹാജരാകാന്‍ പാടില്ല. പകരം വീട്ടിലിരുന്നാണ് ജോലി ചെയ്യേണ്ടത്. കൂടാതെ, സ്വകാര്യ മേഖലയിലെ ഓരോ സ്ഥാപനത്തിലേയും ഓഫീസില്‍ ഹാജരാകുന്ന ജീവനക്കാരുടെ എണ്ണം കുറക്കണമെന്നും മന്ത്രാലയം നിര്‍ദേശം നല്‍കി. ശാഖ ഓഫീസുകളില്‍ ജീവനക്കാരുടെ എണ്ണം 40 ശതമാനമായി കുറകാണാന് നിര്‍ദേശം. പകരം താമസസ്ഥലത്തുവെച്ച്‌ ജോലി ചെയ്യുന്നതിനുള്ള നടപടികള്‍ സ്വീകരിക്കണമെന്ന് നിര്‍ദേശിച്ചതായി സഊദി വാര്‍ത്താ ഏജന്‍സി റിപ്പോര്‍ട്ട് ചെയ്‌തു. താമസ സ്ഥലങ്ങളിലോ ജോലി സ്ഥലത്തോ താപനില പരിശോധന സംവിധാനമുള്‍പ്പെടെയുള്ള പ്രതിരോധ സംവിധാനങ്ങള്‍ സജ്ജമാക്കണമെന്നും നിര്‍ദേശമുണ്ട്..
ജീവനക്കാര്‍ക്ക് ഏതെങ്കിലും തരത്തിലുള്ള ശാരീരിക പ്രയാസമുണ്ടെങ്കില്‍ ഓഫീസില്‍ പ്രവേശിപ്പിക്കരുതെന്നും നിര്‍ദേശം നല്‍കിയിട്ടുണ്ട്. ഭക്ഷണം, മരുന്ന്, ചരക്കു നീക്കം എന്നീ മേഖലയിലെ സ്ഥാപനങ്ങള്‍ക്ക് പ്രവര്‍ത്തിക്കാമെങ്കിലും നാല്‍പതിലധികം ജീവനക്കാരുണ്ടെങ്കില്‍ മന്ത്രാലയ നിര്‍ദേശങ്ങള്‍ പൂര്ണമായും പാലിക്കണം.
ഗര്‍ഭിണികള്‍, അസുഖ ലക്ഷണമുള്ളവര്‍, ഗുരുതര അസുഖമുള്ളവര്‍, 55 വയസ്സിന് മുകളിലുള്ളവര്‍ എന്നിവര്‍ക്ക് നിര്‍ബന്ധമായും 14 ദിവസത്തെ ലീവ് നല്‍കണമെന്ന് നേരത്തെ തന്നെ നിര്‍ദേശം നല്‍കിയിരുന്നു. എന്നാല്‍, ഇത് ഇവരുടെ ആകെയുള്ള അവധികളില്‍ നിന്ന് കുറക്കാനും പാടില്ലെന്നും മന്ത്രാലയം കര്‍ശന നിര്‍ദേശം പുറപ്പെടുവിച്ചിരുന്നു. ലീവ് അനുവദിക്കാതിരിക്കുകയോ മന്ത്രാലയ നിര്‍ദേശങ്ങള്‍ പാലിക്കാതിരിക്കുകയോ ചെയ്യുന്നത് നിയമ ലംഘനമായി കണക്കാക്കും.

റിയാദ് : കൊവിഡ് 19 വ്യാപനം തടയുന്നതിന്റെ ഭാഗമായി സര്‍ക്കാര്‍ വകുപ്പുകള്‍ക്ക് രണ്ടാഴ്ച്ച കാലത്തെ അവധി പ്രഖ്യാപിച്ചതിനു പിന്നാലെ രാജ്യത്തെ സ്വകാര്യ കമ്ബനികള്‍ക്കും അവധി പ്രഖ്യാപിച്ചു. സഊദി തൊഴില്‍ സാമൂഹിക മാനവ ശേഷി മന്ത്രാലയമാണ് 15 ദിവസത്തെ നിയന്ത്രിത അവധി പ്രഖ്യാപിച്ചത്. ഇന്ന് മുതല്‍ 15 ദിവസത്തേക്കുള്ള അവധിയില്‍ വെള്ളം, വൈദ്യുതി, ടെലികമ്മ്യൂണിക്കേഷന്‍ മേഖലകളെ ഒഴിവാക്കിയിട്ടുണ്ട്. വിവിധ കമ്ബനികളുടെ മെയിന്‍ ഓഫീസുകളില്‍ ജോലി ചെയ്യുന്നവര്‍ ഓഫീസില്‍ ഹാജരാകാന്‍ പാടില്ല. പകരം വീട്ടിലിരുന്നാണ് ജോലി ചെയ്യേണ്ടത്. കൂടാതെ, സ്വകാര്യ മേഖലയിലെ ഓരോ സ്ഥാപനത്തിലേയും ഓഫീസില്‍ ഹാജരാകുന്ന ജീവനക്കാരുടെ എണ്ണം കുറക്കണമെന്നും മന്ത്രാലയം നിര്‍ദേശം നല്‍കി. ശാഖ ഓഫീസുകളില്‍ ജീവനക്കാരുടെ എണ്ണം 40 ശതമാനമായി കുറകാണാന് നിര്‍ദേശം. പകരം താമസസ്ഥലത്തുവെച്ച്‌ ജോലി ചെയ്യുന്നതിനുള്ള നടപടികള്‍ സ്വീകരിക്കണമെന്ന് നിര്‍ദേശിച്ചതായി സഊദി വാര്‍ത്താ ഏജന്‍സി റിപ്പോര്‍ട്ട് ചെയ്‌തു.

താമസ സ്ഥലങ്ങളിലോ ജോലി സ്ഥലത്തോ താപനില പരിശോധന സംവിധാനമുള്‍പ്പെടെയുള്ള പ്രതിരോധ സംവിധാനങ്ങള്‍ സജ്ജമാക്കണമെന്നും നിര്‍ദേശമുണ്ട്. ജീവനക്കാര്‍ക്ക് ഏതെങ്കിലും തരത്തിലുള്ള ശാരീരിക പ്രയാസമുണ്ടെങ്കില്‍ ഓഫീസില്‍ പ്രവേശിപ്പിക്കരുതെന്നും നിര്‍ദേശം നല്‍കിയിട്ടുണ്ട്. ഭക്ഷണം, മരുന്ന്, ചരക്കു നീക്കം എന്നീ മേഖലയിലെ സ്ഥാപനങ്ങള്‍ക്ക് പ്രവര്‍ത്തിക്കാമെങ്കിലും നാല്‍പതിലധികം ജീവനക്കാരുണ്ടെങ്കില്‍ മന്ത്രാലയ നിര്‍ദേശങ്ങള്‍ പൂര്ണമായും പാലിക്കണം. ഗര്‍ഭിണികള്‍, അസുഖ ലക്ഷണമുള്ളവര്‍, ഗുരുതര അസുഖമുള്ളവര്‍, 55 വയസ്സിന് മുകളിലുള്ളവര്‍ എന്നിവര്‍ക്ക് നിര്‍ബന്ധമായും 14 ദിവസത്തെ ലീവ് നല്‍കണമെന്ന് നേരത്തെ തന്നെ നിര്‍ദേശം നല്‍കിയിരുന്നു. എന്നാല്‍, ഇത് ഇവരുടെ ആകെയുള്ള അവധികളില്‍ നിന്ന് കുറക്കാനും പാടില്ലെന്നും മന്ത്രാലയം കര്‍ശന നിര്‍ദേശം പുറപ്പെടുവിച്ചിരുന്നു. ലീവ് അനുവദിക്കാതിരിക്കുകയോ മന്ത്രാലയ നിര്‍ദേശങ്ങള്‍ പാലിക്കാതിരിക്കുകയോ ചെയ്യുന്നത് നിയമ ലംഘനമായി കണക്കാക്കും.

 



Latest

Copyrights@2016.