india

പ്രകൃതിയെ തൊട്ടറിയാന്‍ പഠനയാത്രയുമായി ക്‌നാനായ സ്റ്റാര്‍സ്

Tiju Kannampally  ,  2018-05-12 06:00:18amm

 

പ്രകൃതിയെ തൊട്ടറിയാന്‍ പഠനയാത്രയുമായി ക്‌നാനായ സ്റ്റാര്‍സ് 
പരിസ്ഥിതിയെയും അതിന്റെ ഭാവങ്ങളെയും ശരിയായി മനസ്സിലാക്കിയിരുന്ന ഒരു സമൂഹത്തിന്റെ പിന്‍തലമുറക്കാരായ നാം കൈമോശം വരുത്തിയ നിരീക്ഷണ പാടവവും പരിസ്ഥിതി സ്‌നേഹവും പുതുതലമുറയ്ക്കും പകര്‍ന്നു നല്‍കുക എന്ന ലക്ഷ്യത്തോടെ ക്‌നാനായ സ്റ്റാര്‍സ് കുട്ടികള്‍ക്കായി പരിസ്ഥിതി പഠനയാത്ര സംഘടിപ്പിച്ചു. ക്‌നാനായ അക്കാദമി ഫോര്‍ റിസേര്‍ച്ച് & ട്രെയിനിംഗി (KART) ന്റെ നേതൃത്വത്തില്‍ നടപ്പിലാക്കി വരുന്ന ക്‌നാനായ സ്റ്റാര്‍സ് പ്രോഗ്രാമിലെ അംഗങ്ങള്‍ക്കുമായുള്ള അവധിക്കാല ക്യാമ്പിന്റെ മൂന്നാം ദിവസമാണ് പഠനയാത്ര സംഘടിപ്പിച്ചത്. ജൈവവൈവിധ്യങ്ങളുടെ കലവറയായ പ്രകൃതിയെ അറിയുവാനും സംരക്ഷിക്കുവാനും കടമയുണ്ടെന്നും നമ്മുടേതെന്ന ചിന്തയോടെ പ്രകൃതിയെ സ്‌നേഹിക്കുമ്പോള്‍ പ്രകൃതിവിഭവങ്ങളുടെ ഉപയോഗത്തില്‍ നാം നല്ലശീലമുള്ളവരാകുമെന്നുമുള്ള ബോദ്ധ്യം കുട്ടികള്‍ക്ക് നല്‍കുവാന്‍ പഠനയാത്ര വഴിയൊരുക്കി. പഠനയാത്രയോടൊപ്പം പരിസ്ഥിതി സംരക്ഷണത്തെക്കുറിച്ച് ഡോ.പുന്നന്‍ കുര്യന്‍ നയിച്ച ക്ലാസ്സും കുട്ടികള്‍ക്ക് പ്രചോദനമായി. ഏതൊരു ജീവിത പ്രശ്‌നത്തിനും പരിഹാരം പ്രകൃതിയിലേക്ക് മടങ്ങുകയെന്നതാണെന്ന് വേദങ്ങളിലെ മുനിവര്യന്മാരുടെ ദൃഷ്ടാന്തങ്ങളിലൂടെ അദ്ദേഹം കുട്ടികള്‍ക്ക് വിവരിച്ചു നല്‍കി. രോഗാതുരമായ ആധുനിക സമൂഹത്തെ രക്ഷിക്കാന്‍ സ്വന്തമായി കൃഷിചെയ്യുക എന്നതാണ് പോംവഴിയെന്നും ജീവിതത്തില്‍ എത്ര ഉന്നതിയിലെത്തിയാലും കൃഷിചെയ്യുവാനുള്ള ഉത്തരവാദിത്വം നാം തിരിച്ചറിയുമ്പോഴാണ് ജീവിക്കാനുള്ള ഉത്തരവാദിത്വം നാം തിരിച്ചറിയുന്നതെന്നും അദ്ദേഹം പറഞ്ഞു. ലോകത്തിലെ ഏറ്റവും പൂര്‍ണ്ണതയുള്ള ഫിറ്റ്‌നസ് ഉപകരണം തൂമ്പയാണെന്ന് അദ്ദേഹം കൂട്ടിച്ചേര്‍ത്തു. ഒപ്പം പ്രകൃതിയെ സംരക്ഷിക്കാനുള്ള ഉത്തരവാദിത്വവും ചുറ്റുമുള്ളതിനെ അറിയാനുള്ള മനസ്സാന്നിദ്ധ്യവും ഓരോ ക്‌നാനായ സ്റ്റാറും സ്വന്തമാക്കട്ടെ എന്ന് അദ്ദേഹം ആശംസിച്ചു.   
ക്യാമ്പിനോടനുബന്ധിച്ച് ഉച്ചകഴിഞ്ഞ് 1.30 നാണ് കുമരകത്തേക്ക് കുട്ടികള്‍ക്കായി പഠനയാത്ര സംഘടിപ്പിച്ചത്. തുടര്‍ന്ന് ക്‌നാനായ സമുദായ ചരിത്രമുറങ്ങുന്ന കുമരകം വളളാറപ്പള്ളി സന്ദര്‍ശനവും ക്യാമ്പ് ഫയറും സംഘടിപ്പിച്ചിരുന്നു. 
 

പരിസ്ഥിതിയെയും അതിന്റെ ഭാവങ്ങളെയും ശരിയായി മനസ്സിലാക്കിയിരുന്ന ഒരു സമൂഹത്തിന്റെ പിന്‍തലമുറക്കാരായ നാം കൈമോശം വരുത്തിയ നിരീക്ഷണ പാടവവും പരിസ്ഥിതി സ്‌നേഹവും പുതുതലമുറയ്ക്കും പകര്‍ന്നു നല്‍കുക എന്ന ലക്ഷ്യത്തോടെ ക്‌നാനായ സ്റ്റാര്‍സ് കുട്ടികള്‍ക്കായി പരിസ്ഥിതി പഠനയാത്ര സംഘടിപ്പിച്ചു. ക്‌നാനായ അക്കാദമി ഫോര്‍ റിസേര്‍ച്ച് & ട്രെയിനിംഗി (KART) ന്റെ നേതൃത്വത്തില്‍ നടപ്പിലാക്കി വരുന്ന ക്‌നാനായ സ്റ്റാര്‍സ് പ്രോഗ്രാമിലെ അംഗങ്ങള്‍ക്കുമായുള്ള അവധിക്കാല ക്യാമ്പിന്റെ മൂന്നാം ദിവസമാണ് പഠനയാത്ര സംഘടിപ്പിച്ചത്. ജൈവവൈവിധ്യങ്ങളുടെ കലവറയായ പ്രകൃതിയെ അറിയുവാനും സംരക്ഷിക്കുവാനും കടമയുണ്ടെന്നും നമ്മുടേതെന്ന ചിന്തയോടെ പ്രകൃതിയെ സ്‌നേഹിക്കുമ്പോള്‍ പ്രകൃതിവിഭവങ്ങളുടെ ഉപയോഗത്തില്‍ നാം നല്ലശീലമുള്ളവരാകുമെന്നുമുള്ള ബോദ്ധ്യം കുട്ടികള്‍ക്ക് നല്‍കുവാന്‍ പഠനയാത്ര വഴിയൊരുക്കി. പഠനയാത്രയോടൊപ്പം പരിസ്ഥിതി സംരക്ഷണത്തെക്കുറിച്ച് ഡോ.പുന്നന്‍ കുര്യന്‍ നയിച്ച ക്ലാസ്സും കുട്ടികള്‍ക്ക് പ്രചോദനമായി. ഏതൊരു ജീവിത പ്രശ്‌നത്തിനും പരിഹാരം പ്രകൃതിയിലേക്ക് മടങ്ങുകയെന്നതാണെന്ന് വേദങ്ങളിലെ മുനിവര്യന്മാരുടെ ദൃഷ്ടാന്തങ്ങളിലൂടെ അദ്ദേഹം കുട്ടികള്‍ക്ക് വിവരിച്ചു നല്‍കി. രോഗാതുരമായ ആധുനിക സമൂഹത്തെ രക്ഷിക്കാന്‍ സ്വന്തമായി കൃഷിചെയ്യുക എന്നതാണ് പോംവഴിയെന്നും ജീവിതത്തില്‍ എത്ര ഉന്നതിയിലെത്തിയാലും കൃഷിചെയ്യുവാനുള്ള ഉത്തരവാദിത്വം നാം തിരിച്ചറിയുമ്പോഴാണ് ജീവിക്കാനുള്ള ഉത്തരവാദിത്വം നാം തിരിച്ചറിയുന്നതെന്നും അദ്ദേഹം പറഞ്ഞു. ലോകത്തിലെ ഏറ്റവും പൂര്‍ണ്ണതയുള്ള ഫിറ്റ്‌നസ് ഉപകരണം തൂമ്പയാണെന്ന് അദ്ദേഹം കൂട്ടിച്ചേര്‍ത്തു. ഒപ്പം പ്രകൃതിയെ സംരക്ഷിക്കാനുള്ള ഉത്തരവാദിത്വവും ചുറ്റുമുള്ളതിനെ അറിയാനുള്ള മനസ്സാന്നിദ്ധ്യവും ഓരോ ക്‌നാനായ സ്റ്റാറും സ്വന്തമാക്കട്ടെ എന്ന് അദ്ദേഹം ആശംസിച്ചു.   

ക്യാമ്പിനോടനുബന്ധിച്ച് ഉച്ചകഴിഞ്ഞ് 1.30 നാണ് കുമരകത്തേക്ക് കുട്ടികള്‍ക്കായി പഠനയാത്ര സംഘടിപ്പിച്ചത്. തുടര്‍ന്ന് ക്‌നാനായ സമുദായ ചരിത്രമുറങ്ങുന്ന കുമരകം വളളാറപ്പള്ളി സന്ദര്‍ശനവും ക്യാമ്പ് ഫയറും സംഘടിപ്പിച്ചിരുന്നു. 

 

 

 



Latest

Copyrights@2016.